काठमाडौं । चालु आर्थिक वर्ष ०८१/ ८२ को चैतमा उपभोक्ता मुद्रास्फीति (महँगी) ३.३९ प्रतिशतमा सीमित रहेको छ । नेपाल राष्ट्र बैंकका अनुसार, ०८० चैत महिनामा महँगी ४.६१ प्रतिशत थियो ।
समीक्षा महिनामा खाद्य तथा पेय पदार्थ समूहको महँगी २.४५ प्रतिशतले बढ्दा गैरखाद्य तथा सेवा समूहको महँगी ३.९० प्रतिशत रहेको राष्ट्र बैंकले जनाएको छ ।
खाद्य तथा पेय पदार्थ समूहअन्तर्गत घ्यू तथा तेल उपसमूहको उपभोक्ता मूल्य सूचकांक ११.६३ प्रतिशत, फलफूलको ९.०७ प्रतिशत रहेको छ । यस्तै, दाल तथा गेडागुडीको ६.५८ प्रतिशतले बढेको राष्ट्र बैंकको प्रतिवेदनमा उल्लेख छ ।
चैतमा काठमाडौं उपत्यकाको वार्षिक विन्दुगत महँगी २.९५ प्रतिशत पुग्दा तराईको ३.३१ प्रतिशत, पहाडको ३.४६ प्रतिशत र हिमालको ४.४७ प्रतिशत रहेको प्रतिवेदनमा उल्लेख छ ।
राष्ट्र बैंकले महँगीलाई ५ प्रतिशतको हाराहारीमा रहने प्रक्षेपण गरेको थियो ।
प्रतिक्रिया दिनुहोस्