काठमाडौं । नेपाली महिला क्रिकेट टोलीले मलेसियासँगको टी–२० आई शृङ्खला जितेको छ । मलेसियामा बुधबार बिहान सम्पन्न खेलमा मलेसियालाई ५ विकेटले हराउँदै नेपालले ५ खेलको शृंखलामा जित निकालेको हो । उक्त शृङ्खला नेपालले ३–२ ले आफ्नो नाम गर्न सफल भएको हो ।
मलेसियाले दिएको १०४ रनको लक्ष्य नेपालले १८ ओभरमा पूरा गर्यो । नेपालका लागि रुबी पोदारले सर्वाधिक २६ रन उँदा पूजा महतोले २३, रुबिना क्षेत्री १५ रनमा अविजित रहिन् ।
मलेसियाकी नुर दानिया स्युहादा, आइना हमिजा, आइसा एलिसा, नुर आलिया बत्रिसिया र माहिरा इजातीले समान १–१ विकेट लिए । त्यसअघि टस जितेर पहिले ब्याटिङ गरेको मलेसियाले २० ओभरमा ६ विकेट गुमाएर १०३ रन बनाएको थियो । नेपालकी कविता कुँवर र ३ राजमती ऐरीले पन ३–३ विकेट लिए ।
नेपाल पहिलो खेलमा ३ रनले पराजित भएको थियो भने दोस्रो खेलमा ६ विकेटको जित निकालेको थियो। तेस्रो खेलमा १३ रनले पराजित भएको नेपाल चौथो खेलमा मंगलबार ६ विकेटको जित दर्ता गर्दै खेलमा फर्किएको थियो।
नेपाली महिला टोलीले आगामी जनवरीमा घरेलु मैदानमा महिला टी–२० विश्वकपको ग्लोबल छनोट खेल्दैछ। त्यसैको तयारीका लागि मलेसियासँगपाँच खेलको शृङ्खला खेलेको हो।
प्रतिक्रिया दिनुहोस्