काठमाडौं। स्वावलम्बन लघुवित्त वित्तीय संस्थाले शेयरधनीहरूलाई १० प्रतिशत लाभांश वितरण गर्ने घोषणा गरेको छ।
लघुवित्तको बुधबार बसेको सञ्चालक समिति बैठकले आर्थिक वर्ष २०८१/८२ का लागि हाल कायम १ अर्ब ६५ करोड रुपैयाँ चुक्ता पुँजीको कुल १० प्रतिशत लाभांश वितरण गर्ने निर्णय गरेको हो।
उक्त लाभांशमध्ये ५.६३६५ प्रतिशत बोनस शेयर र कर प्रयोजनका लागि ४.३६३५ प्रतिशत नगद लाभांश प्रस्तावित छ ।
नेपाल राष्ट्र बैंकको स्वीकृतिपछि आगामी वार्षिक साधारण सभाबाट अनुमोदन गरेपछि शेयरधनीहरूले बोनस सो लाभांश प्राप्त गर्नेछन् ।
प्रतिक्रिया दिनुहोस्