काठमाडौं । दोस्रो संस्करणको नेपाल प्रिमियर लिग (एनपीएल) अन्तर्गत आज विराटनगर किंग्स र चितवन राइनोजले प्रतिस्पर्धा गर्दैछन्।
बुधबार दिउँसो ४ बजे त्रिवि क्रिकेट मैदान कीर्तिपुरमा सुरु हुने खेलमा सन्दीप लामिछानेको कप्तानीमा रहेको विराटनगर र कुशल मल्लको कप्तानीमा रहेको चिवतनबीच प्रतिस्पर्धा हुँदैछ।
तीन खेल खेलिसकेको अपराजित विराटनगरले लगातार ६ अंक जोडिसकेको छ। यस्तै, दुई खेल मात्र खेलेको चितवनले एक हार र एक जित निकाल्दै दुई अंक मात्र जोडेको छ।
जारी संस्करणमा अंक तालिकामा विराटनगर र सुदूरपश्चिमको समान अंक भए पनि रनरेटका आधारमा सुदूरपश्चिम पहिलो र विराटनगर दोस्रो स्थानमा छन्। चितवन भने तालिकाको पाँचौं स्थानमा रहेको छ।
पहिलो खेलमा कर्णालीविरुद्ध चार विकेटको जित निकालेको चितवन दोस्रो खेलमा लुम्बिनीसँग ६ विकेटले पराजित भएको थियो ।
एनपीएलमा जनकपुर बोल्टस, सुदूरपश्चिम रोयल्स, कर्णाली याक्स, पोखरा एभेन्जर्स, विराटनगर किंग्स, चितवन राइनोज, काठमाडौं गोर्खाज र लुम्बिनी लायन्स गरेर आठ फ्रेन्चाइज टोलीले प्रतिस्पर्धा गर्दैछन्।
प्रतिक्रिया दिनुहोस्