सुनको मूल्यमा ऐतिहासिक रेकर्ड, तोलाको दुई लाख ६७ हजार नाघ्यो

काठमाडौं। नेपाली बजारमा मंगलबार सुनको मूल्य एकैदिन ५५ सय रुपैयाँले बढेर पुनः नयाँ रेकर्ड बनाएको छ। नेपाल सुनचाँदी व्यवसायी महासंघका अनुसार आज सुनको मूल्य तोलाको दुई लाख ६७ हजार २०० रुपैयाँ पुगेको छ ।

विज्ञापन

आज एकै दिन पाँच हजार पाँच सय रुपैयाँले बढेको सुनको यो मूल्य हालसम्मकै उच्च हो। अघिल्लो कारोबार दिन (सोमबार) उच्च मूल्यको रेकर्ड कायम गरेको सुनको भाउमा मंगलबार पुनः नयाँ कीर्तिमान  बनेको हो । सोमबार सुन प्रतितोला २ लाख ६१ हजार ७०० रुपैयाँमा किनबेच भएको थियो ।

यसैबीच, आज चाँदीको मूल्य पनि तोलामा २० रुपैयाँले बढेको छ। सोमबार प्रतितोला ४ हजार २३५ रुपैयाँ कायम भएको चाँदीको मूल्य मंगलबार ४ हजार २५५ रुपैयाँ पुगेको महासंघले जनाएको छ।