काठमाडौं । स्थानीय बजारमा आइतबार सुन र चाँदी दुवै धातुको मूल्यमा वृद्धि भएको छ। नेपाल सुनचाँदी व्यवसायी महासंघका अनुसार आज सुनको मूल्य तोलामा दुई हजार ७०० रुपैयाँले बढेको हो।
मूल्य बढेसँगै उपभोक्ताले आज एक तोला सुन खरिद गर्न दुई लाख ९९ हजार २०० रुपैयाँ भुक्तान गर्नुपर्नेछ । यसअघिको कारोबार दिन शुक्रबार (वैशाख ११) सुन प्रतितोला दुई लाख ९६ हजार ५०० रुपैयाँमा खरिदबिक्री भएको थियो ।
यस्तै, आज चाँदीको मूल्य पनि तोलामा ५० रुपैयाँले वृद्धि भएको छ। आइतबार एक तोला चाँदीको मोल चार हजार ९९५ रुपैयाँमा कायम भएको महासंघले जनाएको छ । अघिल्लो कारोबार दिन (शुक्रबार) चाँदी चार हजार ९४५ रुपैयाँमा किनबेच भएको थियो ।
प्रतिक्रिया दिनुहोस्