काठमाडौं । विजय लघुवित्त वित्तीय संस्था लिमिटेडको प्रमुख कार्यकारी अधिकृत (सीईओ) पदबाट वसन्त राज लम्सालले राजीनामा दिएका छन्।
सीईओ लम्सालले गत वैशाख २८ गते आफ्नो पदबाट राजीनामा दिएका थिए। उक्त राजीनामालाई बिहीबार बसेको सञ्चालक समितिको बैठकले स्वीकृत गरेको हो। लम्सालको राजीनामा जेठ ८ गतेदेखि लागू हुने गरी स्वीकृत गरिएको जारी विज्ञप्तिमा उल्लेख छ।
यो सँगै, वरिष्ठ नायव प्रमुख कार्यकारी अधिकृत सरोज घिमिरेलाई सञ्चालक समितिले कार्यवाहक (कामु) सीईओको जिम्मेवारी सुम्पिएको छ। घिमिरेले जेठ ८ गतेदेखि नै संस्थाको दैनिक प्रशासनिक तथा वित्तीय क्रियाकलाप सञ्चालन गर्ने जिम्मेवारी सम्हाल्नेछन्।
प्रतिक्रिया दिनुहोस्