काठमाडौं । सांग्रिला डेभलपमेन्ट बैंकको प्रमुख कार्यकारी अधिकृत (सीईओ) को जिम्मेवारी रविन सिजापतिले सम्हाल्ने भएका छन्। बैंक सञ्चालक समितिले सिजापतिलाई चार वर्षका लागि सीईओमा नियुक्त गर्ने निर्णय गरेको हो।
बैंकिङ तथा वित्तीय क्षेत्रमा लामो अनुभव हासिल गरेका सिजापति यसअघि नेपाल इन्भेष्टमेन्ट मेगा बैंकमा कार्यरत थिए। उनी चार्टर्ड एकाउन्टेन्ट (सीए) समेत हुन्। यसअघि सांग्रिला डेभलपमेन्ट बैंकको सीईओ रहेका सुयोग श्रेष्ठको कार्यकाल पूरा भएसँगै उनी बैंकबाट बाहिरिएका थिए। त्यसपछि बैंकले सिजापतिलाई नयाँ प्रमुख कार्यकारी अधिकृतका रूपमा भित्र्याएको हो।
नयाँ नेतृत्वसँगै बैंकले व्यवसाय विस्तार, वित्तीय स्थायित्व र ग्राहक सेवामा थप सुधार गर्ने अपेक्षा गरिएको जनाएको छ।
प्रतिक्रिया दिनुहोस्