काठमाडाैं । पूर्वमध्य तथा दक्षिणपूर्वी बंगालको खाडी आसपास न्यूनचापीय क्षेत्र विकास भएसँगै आगामी बुधबारदेखि नेपालको मौसममा प्रभाव पर्न सक्ने मौसम पूर्वानुमान महाशाखाले जनाएको छ।
महाशाखाका अनुसार कात्तिक ११ गते बुधबारदेखि १५ गते आइतबारसम्म उक्त मौसमी प्रणालीका कारण नेपालमा मौसम प्रभावित हुने सम्भावना छ। यद्यपि, यस प्रणालीको प्रभावले नेपालमा कति वर्षा हुन्छ, जोखिमको अवस्था कस्तो रहन्छ र त्यसबाट कस्तो असर पर्न सक्छ भन्ने विषयमा अहिले नै यकिन गर्न नसकिने महाशाखाले स्पष्ट पारेको छ।
शुक्रबार साँझ सूचना जारी गर्दै महाशाखाले सम्भावित प्रतिकूल मौसमका कारण कृषि तथा पर्यटन क्षेत्रमा असर पर्न सक्ने भन्दै सम्बन्धित निकाय, व्यवसायी तथा सर्वसाधारणलाई सतर्क रहन आग्रह गरेको छ।
प्रतिक्रिया दिनुहोस्