कजारियाको नयाँ सोरुम काठमाडौंको सतुंगलमा उद्घाटन

काठमाडौं । भारतको अग्रणी टाइल निर्माता कजारियाले नेपालमा आफ्नो उपस्थितिलाई अझ मजबुत बनाउँदै काठमाडौंको सतुंगलमा अत्याधुनिक सोरुम उद्घाटन गरेको छ। आइतबार एक कार्यक्रमको आयोजनाका बीच सोरुमको उद्घाटन भएको हो । साई इन्टरप्राइजेजद्वारा सञ्चालित यो सोरुमले उच्च गुणस्तरका टायलहरूको बढ्दो मागलाई पूरा गर्ने लक्ष्य राखेको छ।

विज्ञापन

सोमबार आयोजित उद्घाटन समारोहमा प्रमुख अतिथिको रूपमा चन्द्रागिरी नगरपालिकाका मेयर श्री घनश्याम गिरी र चन्द्रागिरी नगरपालिका वार्ड नं ११ का अध्यक्ष नरेन्द्र राज श्रेष्ठको उपस्थिति रहेको थियो। दुबै अतिथिहरूले रिबन काटेर शोरुमको औपचारिक उद्घाटन गरे।

कजारियाको राष्ट्रिय सेल्स प्रमुख प्रवीन सिंहले समारोहलाई सम्बोधन गर्दै नयाँ सोरुमको उद्घाटनप्रति आफ्नो उत्साह व्यक्त गरे। उनले भने, ‘काठमाडौँ कजारियाका लागि प्रमुख बजार हो, र यो सोरुम हाम्रो प्रतिबद्धताको प्रमाण हो। यसले घरधनीहरू, आर्किटेक्ट र निर्माणकर्ताहरूलाई उच्च गुणस्तरका टायलहरू सहज रूपमा उपलब्ध गराउनेछ। हामी आफ्ना नवीनतम र मजबुत उत्पादनहरूलाई ग्राहकहरूसम्म नजिक ल्याउन पाउँदा निकै खुशी छौं।’

काठमाडौँको महत्वपूर्ण क्षेत्र रहेको सतुंगलस्थित यो नयाँ सोरुमले प्रिमियम टायलहरूको विस्तृत संग्रह प्रदान गर्नेछ, जसले ग्राहकहरूलाई सजिलो पहुँच र उच्च सुविधा सुनिश्चित गर्ने लक्ष्य राखेको छ। यसको विस्तारसँगै, कजारियाले नेपालमा आफ्नो उपस्थिति बलियो बनाउँदै उच्च गुणस्तर र नवीन डिजाइनका टायल्स उपलब्ध गराउने आफ्नो लक्ष्यलाई अघि बढाइरहेको छ।

नेपालमै उत्पादन बढाउने तयारी

नेपालभर प्रिमियम टायल्स सहज रूपमा उपलब्ध गराउने आफ्नो लक्ष्यलाई निरन्तरता दिँदै, कजारियाले नेपालमै उत्पादनलाई प्रवर्द्धन गर्ने रणनीति अगाडि सारेको छ। रमेश कर्प र भारतको अग्रणी टायल उत्पादक कजारिया सेरामिक्स लिमिटेडको संयुक्त उद्यम कजारिया रमेश टाइल्स लिमिटेडले नवलपरासीमा नेपालको सबैभन्दा ठूलो टायल उत्पादन प्लान्ट स्थापना गरेको छ।

स्थानीय कच्चा पदार्थ प्रयोग गरी वार्षिक ५२ लाख वर्गमिटर टायल उत्पादन गर्ने लक्ष्यसहित सञ्चालनमा आउन लागेको यो प्लान्टले नेपाललाई टायल्स उत्पादनमा आत्मनिर्भर बनाउने महत्त्वाकांक्षी योजना अघि सारेको छ। करिब ४०० करोड नेपाली रुपैयाँको लगानीमा स्थापित उक्त प्लान्टले नेपालका ग्राहकहरूलाई सुलभ मूल्यमा विश्वस्तरीय कजारिया टाइल्स उपलब्ध गराउनेछ।

यस आयोजनाले स्थानीय अर्थतन्त्रलाई उल्लेखनीय रूपमा टेवा पुर्‍याउने मात्र नभई हजारौं रोजगारीका अवसरहरू सिर्जना गर्नेछ। यसले स्थानीय समुदायको जीवनस्तर उकास्ने तथा नेपालमा निर्माण सामग्री उत्पादनको क्षेत्रमा नयाँ मानक स्थापना गर्ने विश्वास गरिएको छ।