कर्पोरेट समाचार 
एजेन्सी । अमेरिकाले स्टील र आल्मुनियमको आयातमा २५ प्रतिशत कर लगाएपछि युरोपेली आयोगले आगामी अप्रिल १ देखि ‘प्रतिकारात्मक उपाय’ अपनाउने जनाएको छ ।
युरोपेली आयोगकी प्रमुख उर्सुला भोन डेर लेयेनले अमेरिकी करका बारेमा एक वक्तव्यमा भनिन् ‘हामी यस कदमप्रति गहिरो खेद प्रकट गर्दछौं साथै ब्रसेल्सले ‘अनुचित व्यापार प्रतिबन्ध’ को प्रतिक्रियामा ‘प्रतिकारको शृङ्खला सुरु गर्ने’ घोषणा गरेको छ।’
आयोगले अमेरीकाले लगाएको ज्यादा करले व्यापारी र उपभोक्ताहरुका लागि असर पुर्याएको र त्यस्तो कर नीतिले अर्थतन्त्रमा अनिश्चितता ल्याउने जनाएको छ ।
‘कर भनेको कर हो । तिनीहरू व्यापारको लागि खराब छन्, र उपभोक्ताहरूको लागि अझ खराब छन्। यी शुल्कहरूले आपूर्ति श्रृङ्खलालाई बाधा पुर्याइरहेका छन्। यसले अर्थतन्त्रमा अनिश्चितता ल्याउँछ,’ उनले भनिन् ।
भोन डेर लेयेनले अमेरिकी कर २८ अर्ब अमेरिकी डलर बराबरको रहेको र युरोपेली सङ्घको प्रतिक्रियाले अमेरिकी उत्पादनमा पनि त्यति नै प्रभाव पार्ने बताइन् ।
अमेरिकी राष्ट्रपति डोनाल्ड ट्रम्पले स्टील र आल्मुनियम आयातमा २५ प्रतिशत करवृद्धिको घोषणा गरेका थिए । ट्रम्पको यो निर्णय स्थानीय समयानुसार बुधबार १ः०० बजे देखि लागू भएको छ । यो संयुक्त राज्य अमेरिका र यसका मुख्य व्यापारिक साझेदारहरू बीचको व्यापार युद्धको नयाँ चरण हो ।
वासिङ्टनले खस्कँदै गएको अमेरिकी स्टिल व्यवसाय र कामदारहरूको सुरक्षाका लागि यो कदम चालेको छ । अमेरिकाले विशेष गरी एशियाली मुलुकबाट तीव्र प्रतिस्पर्धाको सामना गरिरहेको छ ।
ट्रम्पले बढाएको कर शुल्कले अस्ट्रेलिया, क्यानडा, युरोपेली सङ्घ, जापान र चीनका साथै ब्राजिल र मेक्सिकोलाई असर गर्नेछ । ट्रम्पले धातुमा कर लगाएको यो पहिलो पटक भने होइन ।
आफ्नो पहिलो कार्यकाल सन् २०१८ मा उनले स्टिल र आल्मुनियमको निर्यातमा कर लगाएका थिए । जसका कारण इयूले मार्चको अन्त्यसम्म जमेको उच्च शुल्कको जवाफ दिन अमेरीकालाई बाध्य बनाएको थियो ।
ट्रम्पका कदमहरूप्रति ईयूको बहु आयामिक दृष्टिकोणको एक भागको रूपमा ब्रसेल्सले पनि अघिल्लो निलम्बनको म्याद समाप्त भएपछि पुनरावृत्ति गर्न अनुमति दिने भोन डेर लेयेनले उल्लेख गरेकी छन् । ‘पहिलो पटक, यी पुनः सन्तुलन उपायहरू पूर्ण रूपमा लागू गरिनेछ। डुङ्गादेखि बोर्बोन, मोटरसाइकलसम्मका उत्पादनमा कर लाग्नेछ,’ आयोगले भनेको छ।
भोन डेर लेयेनले इयू अझै अमेरिकासँग अर्थपूर्ण बार्ताका लागि तयार रहेको बताइन् । उनले भनिन् ‘इयू अर्थपूर्ण वार्ताका लागि तयार रहेको छ । मैले व्यापार आयुक्त मारोस सेफ्कोभिकलाई अमेरिकासँग राम्रो समाधान खोज्न आफ्नो वार्ता पुनः सुरु गर्न जिम्मा दिएकी छु ।’
सेफकोभिकले यसै साताको सुरुमा अमेरिकाले इयूसँग वार्तामा ‘संलग्न’ नभएको बताएका थिए । युरोपेली अधिकारीहरूले प्रतिशोध लिने चेतावनी दिँदै अमेरिकी प्रशासनलाई पुनः टेबलमा ल्याउने शक्ति प्रदर्शन गर्ने उल्लेख गरेका छन् ।
आयोगले बुधबार प्रतिकारात्मक कदम चाल्ने प्रक्रिया सुरु गरेको हो । पहिलो चरण ‘सही उत्पादन’ लक्षित छन् भनेर सुनिश्चित गर्न ‘दुई–हप्ता सम्बन्धित पक्षबीच परामर्श’ गर्ने तयारी इयूको छ ।
ट्रम्पले आफ्नो कदमबाट पछि नहटे अप्रिलको मध्यसम्ममा इयूको प्रतिकारात्मक कदम पूर्णरुपमा लागू हुने उल्लेख छ ।
प्रतिक्रिया दिनुहोस्