कर्पोरेट समाचार 
काठमाडौं । कर्मचारी सञ्चय कोषले विभिन्न पदमा ३८ जना कर्मचारीको नियुक्त गर्न आवेदन खुलाएको छ ।
कोषले आज एक सूचना जारी गर्दै पाँचौँ तह (प्रमुख सहायक) देखि आठौँ तह (प्रबन्धक) सम्म गरी कूल ३८ जना नयाँ कर्मचरीको माग गरेको हो।
कोषले प्रबन्धक एक जना, उपप्रबन्धक ४ जना, विभिन्न समूहमा ११ जना सहायक प्रबन्धक र २२ जना प्रमुख सहायक गरी ३८ जना कर्मचारी नियुक्तिका लागि दरखास्त माग गरेको छ ।
यस्तै, कोषले हरेक पदका लागि आवश्यक योग्यता र दरखास्त दस्तुर फरक फरक तोकि इच्छुक तथा योग्यता पुगेका नेपाली नागरिकहरूले अनलाइनमार्फत पनि दरखास्त दिन सक्ने जनाएको छ।
प्रतिक्रिया दिनुहोस्