११ हजार ६०० रुपैयाँले घट्यो सुन, प्रतितोलाको मूल्य कति ?

काठमाडौं । नेपाली बजारमा आइतबार सुनचाँदीको मूल्यमा गिरावट देखिएको छ।यस दिन सुनको मूल्य तोलामा ११ हजार ६०० रुपैयाँले घटेको नेपाल सुनचाँदी व्यवसायी महासंघले जनाएको छ।

आज छापावाल सुन प्रतितोला दुई लाख ४१ हजार ९०० रुपैयाँ कारोबार मूल्य कायम भएको छ । तिहार बिदाअघिको अन्तिम कारोबार दिन (कात्तिक ३ गते )छापावाल सुन प्रतितोला दुई लाख ५३ हजार ५०० रुपैयाँमा किनबेच भएको थियो ।

यस्तै, आज चाँदीको मूल्य पनि तोलामा २६५ रुपैयाँले घटेको छ । चाँदी प्रतितोला तीन हजार १५ रुपैयाँमा कारोबार मूल्य तोकिएको महासंघले जनाएको छ। अघिल्लो कारोबार दिन (कात्तिक ३ गते) चाँदी प्रतितोला तीन हजार २८० रुपैयाँमा कारोबार भएको थियो ।

प्रतिक्रिया दिनुहोस्