कर्पोरेट समाचार 
काठमाडौं । स्थानीय बजारमा मंगलबार सुनचाँदीको भाउ घटेको छ। अघिल्लो कारोबार दिनको तुलनामा आज सुनको भाउ प्रतितोला २ हजार ९ सय रुपैयाँले घटेको नेपाल सुनचाँदी व्यवसायी महासंघले जनाएको छ ।
महासंघका अनुसार आजका लागि सुनको मूल्य २ लाख ३७ हजार रुपैयाँ प्रतितोला तोकिएको छ । अघिल्लो दिन सोही परिमाणको सुन २ लाख ३९ हजार ९ सय रुपैयाँमा कारोबार भएको थियो ।
यस्तै आज चाँदीको मूल्य पनि प्रतितोला ६० रुपैयाँले घटेको छ । अघिल्लो दिन प्रतितोला २९ सय ८० रुपैयाँमा कारोबार भएको चाँदीको भाउ आज २९ सय २० रुपैयाँ कायम भएको छ ।
अन्तर्राष्ट्रिय बजारमा सुनचाँदीको भाउ घटेसँगै नेपाली बजारमा पनि मूल्य घट्दै गएको छ । तिहारपछि कारोबार भएको बजारमा सुनको भाउ प्रतितोला १६ हजार ५ सय रुपैयाँले गिरावट देखिएको छ ।
प्रतिक्रिया दिनुहोस्