कर्पोरेट समाचार 
काठमाडौं । नेपाल प्रिमियर लिग (एनपीएल) को दोस्रो संस्करणका लागि पल्सर बाइक ‘टु ह्विलर पार्टनर’को रूपमा जोडिएको छ।
गोल्छा ग्रुप र नेपाल क्रिकेट संघ (क्यान) गोल्छा ग्रुपको पल्सर बाइकलाई टु ह्विलर पार्टनर बनाउन सम्झौतापत्रमा आज हस्ताक्षर भएको हो। सम्झौतापत्रमा गोल्छा ग्रुपका निर्देशक अभिमन्यु गोल्छा र क्यानका सचिव पारस खड्काले हस्ताक्षर गरेका छन्।
सम्झौता अनुसार गोल्छा ग्रुपले एनपीएलको दोस्रो संस्करणका लागि तीन वटा मोटरसाइकल प्रदान गर्नेछ। ती बाइक सर्वाधिक रन बनाउने खेलाडी, सर्वाधिक विकेट लिने बलर र उत्कृष्ट उदयीमान (ईमर्जिङ प्येयर) लाई प्रदान गरिने छ।
गोल्छा ग्रुपका निर्देशक अभिमन्यु गोल्छाले एनपीएलसँग सहकार्य गर्न पाउँदा खुशी लागेको उल्लेख गर्दै भने, ‘पल्सर सदैव खेलकुद र युवा ऊर्जासँग जोडिएको ब्रान्ड हो। एनपीएलमार्फत नेपाली क्रिकेटलाई अझ ऊर्जा र प्रेरणा मिल्ने विश्वास लिएका छौं ।’
क्यानका सचिव पारस खड्काले पल्सरसँगको साझेदारीलाई नेपाली क्रिकेटका लागि सकारात्मक कदम भएको उल्लेख गर्दै सहकार्यले खेलाडीको हौसला बढाउने बताए । उनले घरेलु क्रिकेटलाई थप सुदृढ बनाउन यस्ता सहकार्यले मद्दत पुर्याउने धारणा राख्दै दोस्रो संस्करणको एनपीएलको तयारी अन्तिम चरणमा पुगेको बताए ।
उनले भने, ‘ हामी केही दिनभित्रै एनपीएलबारे पत्रकार सम्मेलन गरी सम्पूर्ण जानकारी सार्वजनिक गर्नेछौं।’ नेपाल प्रिमियर लिगको दोस्रो संस्करण आगामी मंसिर १ गतेदेखि २७ गतेसम्म काठमाडौंमा सञ्चालन हुने तय छ।
प्रतिक्रिया दिनुहोस्