काठमाडौं । सप्तकोसी सिमेन्ट लिमिटेडले सार्वजनिक प्राथमिक शेयर (आईपीओ) निष्कासन गर्ने भएको छ । आईपीओ निष्कासन तयारीका लागि कम्पनीले सिद्धार्थ क्यापिटल लिमिटेडलाई निष्कासन तथा बिक्री प्रबन्धकको रूपमा नियुक्त गरेको छ ।
कम्पनीले एक सय दरका चुक्ता पुँजीको २० प्रतिशत शेयर सर्वसाधारणमा निष्कासन गर्ने तयारी स्वरुप बुधबारसिद्धार्थ क्यापिटलसँग औपचारिक सम्झौता सम्पन्न गरेको छ । सम्झौतापत्रमा सप्तकोसी सिमेन्ट लिमिटेडका तर्फबाट अध्यक्ष मोना जालान र सिद्धार्थ केपिटल लिमिटेडका तर्फबाट प्रमुख कार्यकारी अधिकृत सन्दिप कार्कीले हस्ताक्षर गरे।
उच्चस्तरीय सिमेन्ट उत्पादक कम्पनी सप्तकोसी सिमेन्ट लिमिटेको दैनिक उत्पादन क्षमता ६०० टन रहेको छ । कम्पनीले नेपाल गुणस्तरको निर्धारित मापदण्ड अनुसार पी.पी.सी. ४३ र ५३ ग्रेडको ओ.पी.सी. सिमेन्ट उत्पादन गर्दै आएको छ।
पूर्वी नेपालमा करिब २० प्रतिशत बजार हिस्सा ओगटेको कम्पनीले अन्य क्षेत्रीय प्रतिस्पर्धीहरूसँग उत्कृष्ट प्रदर्शन गर्दै आएको छ । गत वर्ष लक्ष्य भन्दा बढी सिमेन्ट बिक्री गरेको कम्पनीले आ.व. ०८१/८२ को नाफाबाट १२ प्रतिशत बोनस शेयर जारी गरेको छ।
प्रतिक्रिया दिनुहोस्