सुनको मूल्य ९०० रुपैयाँले घट्यो, चाँदीको भाउ कति ?

काठमाडौं ।  साताको अन्तिम कारोबार दिन शुक्रबार बिहीबारको तुलनामा सुनचाँदीको मूल्यमा केही गिरावट आएको छ । नेपाल सुनचाँदी व्यवसायी महासङ्घका अनुसार आज एक तोला सुनको मूल्य दुई लाख ५२ हजार ४०० रुपैयाँ कायम भएको छ भने त्यति नै परिमाणको चाँदीको मोल तीन हजार ५५५ रुपैयाँ निर्धारण भएको छ ।

अघिल्लो कारोबार दिनको तुलनामा आज सुनको मूल्य प्रतितोला ९०० रुपैयाँले घटेको हो ।

बिहीबार सुनको मूल्य प्रतितोला दुई लाख ५३ हजार ३०० रुपैयाँमा किनबेच भएको थियो । यस्तै, एक तोला चाँदी तीन हजार ६२५ रुपैयाँमा कारोबार भएको थियो ।

अन्तर्राष्ट्रिय सञ्चारमाध्यमहरूका अनुसार आज अन्तर्राष्ट्रिय बजारमा एक औँस सुन चार हजार २४० र त्यति नै परिमाणको चाँदी ५८ अमेरिकी डलरमा खरिदबिक्री भइरहेको छ ।

प्रतिक्रिया दिनुहोस्