काठमाडौं। केही दिनदेखि नेपाली बजारमा सुनचाँदीको मूल्यले निरन्तर नयाँ रेकर्ड बनाउँदै आएको छ । बुधबार पनि सुनचँदीको मूल्य वृद्धि भएसँगै दुवै धातुमा उच्च मूल्यको नयाँ कीर्तिमान कायम भएको छ ।
नेपाल सुनचाँदी व्यवसायी महासंघका अनुसार आज सुनको मूल्य तोलामा ९०० रुपैयाँले बढेर दुई लाख ६८ हजार १०० रुपैयाँ पुगेको छ। अघिल्लो कारोबार दिन ५५ सय रुपैयाँले बढेको सुन प्रतितोला दुई लाख ६७ हजार २०० रुपैयाँमा पुगेर उच्च मूल्यको रेकर्ड कायम भएको थियो । साताको पहिलो कारोबार दिनदेखि नै निरन्तर वृद्धि भैरहेको सुनको भाउमा आज पुनः हालसम्मकै महँगो मूल्यको नयाँ रेकर्ड बनेको हो । पुस महिनाको सुरुमा २ लाख ५९ हजार कायम रहेको सुनको भाउ ९ गतेसम्म आइपुग्दा नौ हजार रुपैयाँ बढिसकेको छ।
यसैबीच, आज चाँदीको मूल्य पनि तोलामा १६५ रुपैयाँले बढेको छ । मंगलबार ४ हजार २५५ रुपैयाँमा किनबेच भएको चाँदी मूल्य आज
चार हजार ४२० रुपैयाँ पुगेर हालसम्मकै महँगो बनेको छ। यसअघि सोमबार चाँदी प्रतितोला ४ हजार २३५ रुपैयाँ कायम थियो ।
प्रतिक्रिया दिनुहोस्