सुनको मूल्य तीन हजार रुपैयाँले घट्यो, चाँदी तोलाको कति ?

काठमाडौं। स्थानीय बजारमा आज सुनचाँदीको मूल्यमा गिरावट देखिएको छ। नेपाल सुनचाँदी व्यवसायी महासङ्घले सोमबारका लागि सुन प्रतितोला तीन लाख दुई हजार ८०० रुपैयाँ निर्धारण गरेको छ।

आइतबार सुन प्रतितोला तीन लाख पाँच हजार ८०० रुपैयाँमा किनबेच भएको थियो । अघिल्लो कारोबार दिनको तुलनामा आज सुनको मोल प्रतितोला तीन हजार रुपैयाँले सस्तिएको छ। त्यसअघि (शुक्रबार) एक तोला सुन तीन लाख ३ हजार ५०० रुपैयाँ तोकिएको थियो।

यस्तै, आज तोला चाँदीको भाउमा पनि कमी आएको छ । महासंघका अनुसार आइतबार तोलामा चार हजार ९८५ रूपैयाँमा कारोबार भएको चाँदीको भाउ सोमबार चार हजार आठ सय ६० रूपैयाँमा झरेको छ।

यो मूल्य अघिल्लो दिनको तुलनामा प्रतितोला एक सय २५ रूपैयाँले कम हो । अन्तर्राष्ट्रिय बजारमा आज सुन प्रतिऔंस चार हजार नौ सय ७२ अमेरिकी डलरमा कारोबार भइरहेको छ।

प्रतिक्रिया दिनुहोस्