बस्ती हटाएपछि खुला देखियो मनोहरा किनार (तस्बिरहरु)

काठमाडौं उपत्यकाका नदी किनारका जग्गा अतिक्रमण हटाउने अभियान अन्तर्गत आज आइतबार भक्तपुरस्थित मनोहरा खोला किनारको सुकुमवासी बस्ती हटाइएको छ । प्रशासनले ठुलो संख्यामा डोजर परिचालन गरेर व्यापक सुरक्षाकर्मीको उपस्थितिमा बस्तीका अवैध संरचना हटाएको हो । शनिबारको तनावपूर्ण स्थिति र झडपपछि आज बस्तीका पक्की घर तथा टहरा भत्काउन बिहान साढे १० बजेदेखि १२ वटा डोजर एकसाथ प्रयोग गरिएको थियो । उक्त क्षेत्रको संवेदनशीलतालाई ध्यानमा राख्दै नेपाल प्रहरी र सशस्त्र प्रहरी गरी करिब २,००० सुरक्षाकर्मी तैनाथ थिए । प्रहरीले माइकिङ गर्दै स्थानीयलाई सामान निकाल्न एवं होल्डिङ सेन्टरमा जान आग्रह गरेको थियो । सामान निकालिसकिएका ७७७ वटा टहराहरू क्रमशः भत्काइँदै छ। नेपाल न्यूज बैंक

 

प्रतिक्रिया दिनुहोस्