सुनचाँदीको मूल्यमा सामान्य गिरावट, कतिमा हुँदै छ आज कारोबार ?

काठमाडौं ।  साताको पहिलो कारोबार दिन सुनचाँदीको मूल्यमा सामान्य गिरावट आएको छ । नेपाल सुनचाँदी व्यवसायी महासंघका अनुसार आइतबार छापावाल सुनको मूल्य तोलामा ९०० रुपैयाँ घटेको हो ।

आज सुनको मूल्य तोलामा १ लाख ७४ हजार १०० रुपैयाँ  तोकिएको छ । यसअघि शुक्रबार छापावाल सुनको मूल्य तोलामा १ लाख ७५ हजार रुपैयाँ कायम भएको थियो ।

यस्तै, आज चाँदीको मूल्य पनि १५ रुपैयाँले घटेको छ । चाँदी तोलामा १ हजार ९८० रुपैयाँ कायम भएको महासंघले जनाएको छ । शुक्रबार तोलामा १ हजार ९९५ रुपैयाँमा चाँदीको कारोबार भएको थियो ।

प्रतिक्रिया दिनुहोस्