काठमाडौं । कर्णालीसहित देशका विभिन्न भूभागका उत्पादन गरिएका जैविक कृषि उपजको प्रयोग र प्रर्वद्धन गर्न ‘मौलिक बजार’ सञ्चालनमा आएको छ ।
देशका ७५३ वटै पालिकाबाट सङ्कलन गरिएका जैविक उत्पादनलाई उपभोक्तासम्म पु¥याउने उद्देश्यले केन्द्रित काठमाडौंको बूढानीलकण्ठ नगरपालिकाअन्तर्गत कपनमा ‘मौलिक बजार’ सञ्चालनमा ल्याइएको हो ।
सञ्चालनमा आएको बजारमा जुम्लाको मार्सी चामल, हुम्लाको सिमी, मुगुको कोदो, डोल्पाका जडीबुटीलगायत खाद्यान्न पाइन्छ ।
कर्णालीका किसानलाई खेतीमा प्रोत्साहन गर्ने उद्देश्यले बजार सुरु गरिएको हो । “एक स्थानीयय तह, एक उत्पादनको अवधारणा अनुसार कृषि उपजलाई ब्राण्डिङ गरेर बजार सञ्चालन भएको त्यसका सञ्चालक सुमन दाहालले बताए ।
“कर्णालीका उत्पादन मात्र नभएर देशका सातवटै प्रदेशमा उत्पादन हुने कृषिसामग्री, हर्बल कस्मेटिक्स, मसला, अदुवा लसुन पेष्ट, हस्तकलाका सामान र मौलिक पहिचान भएका वस्तुको प्रर्वद्धन गर्नु बजारको उद्देश्य हो,” दीर्घकालीन रूपमा देशको कृषि र ग्रामीण विकासमा योगदान पु¥याउने लक्ष्य रहेको दाहालको भनाइ छ ।
प्रतिक्रिया दिनुहोस्