काठमाडौं । रसुवा प्रहरीले ठूलो परिमाणमा सुन बरामद गरेको छ । केरुङबाट काठमाडौंतर्फ आउँदै गरेको स्याउ लोड गरिएको गाडीबाट गोसाइकुण्ड गाउँपालिका–२ मा अन्दाजी ७ किलो ६५३ ग्रामको पहेँले धातु फेला परेको प्रहरीले जनाएको छ ।
आज दिउँसो साढे १ बजे बा ४ ख ६२०१ नम्बरको गाडी जाँच गर्ने क्रममा सो परिमाणमा सुन बरामद गरिएको जिल्ला प्रहरी कार्यालय रसुवाका डिएसपी खेमबहादुर शाहीले जानकारी दिए ।
प्रहरीका अनुसार बरामद गरिएको पहेँलो धातु सुन हुनसक्ने आशंकामा परीक्षण प्रक्रिया अघि बढाइएको छ । प्रहरीले गाडी चालक २४ वर्षीय किशोर भुजेललाई नियन्त्रणमा लिएर प्रारम्भिक अनुसन्धान अघि बढाएको जनाएको छ । चालक रसुवाकै रहेको बताइएको छ ।
सांकेतिक तस्बिर :
प्रतिक्रिया दिनुहोस्