कर्पोरेट समाचार 
काठमाडौं । साताको दोस्रो कारोबार दिन स्थानीय बजारमा सुनको मूल्यले फेरि नयाँ रेकर्ड कायम गरेको छ । आज सुनले प्रतितोला २ हजार ४ सय रुपैयाँले बढेर हालसम्मकै महंगो कीर्तिमानी रेकर्ड बनाएको हो ।
नेपाल सुनचाँदी व्यवसायी महासंघका अनुसार आजका लागि एक तोला सुनको मूल्य २ लाख ४० हजार ४ सय रुपैयाँ तोकिएको छ ।
अघिल्लो कारोबार दिन (आइतबार) सुन प्रतितोला २ लाख ३८ हजार रुपैयाँमा कारोबार भएको थियो ।
त्यस्तै आज चाँदीको मूल्य पनि तोलामा ९५ रुपैयाँले बढेको छ । यस दिन चाँदी प्रतितोला ३ हजार २२० रुपैयाँमा कारोबार भइरहेको छ ।
प्रतिक्रिया दिनुहोस्