काठमाडाैं । चालु आर्थिक वर्ष २०८२- ०८३ काे चार महिना (अर्थात् साउनदेखि ३० कात्तिकसम्म)मा ३ खर्ब २९ अर्ब ५१ करोड रुपैयाँ राजस्व संकलन भएको छ । अर्थ मन्त्रालयले चालू आर्थिक वर्षको चार महिनामा ४ खर्ब २५ अर्ब २३ करोड रुपैयाँ राजस्व संकलन गर्ने लक्ष्य लिएकोमा लक्ष्यभन्दा कम राजस्व संकलन गरेको हो ।
अघिल्लो आर्थिक वर्षको चार महिनामा ३ खर्ब २९ अर्ब २ करोड राजस्व संकलन गरेको थियो भने ४ खर्ब ६ अर्ब ३७ करोड राजस्व उठाउने लक्ष्य लिएको थियो । यो आर्थिक वर्षमा सरकारले १४ खर्ब ८० अर्ब रुपैयाँ राजस्व संकलन गर्ने लक्ष्य लिएको छ । अघिल्लो आर्थिक वर्षमा सरकारले १४ खर्ब १९ अर्ब रुपैयाँको राजस्व संकलन गर्ने लक्ष्य लिएको थियो ।
अर्थ मन्त्रालयको राजस्व महाशाखाका अनुसार कात्तिक महिनामा मात्र ७८ अर्ब ३३ करोड रुपैयाँ राजस्व संकलन भएको छ । कात्तिक महिनामा सरकारले १ खर्ब ३ अर्ब रुपैयाँ राजस्व संकलन गर्ने लक्ष्य लिएकोको थियो।
त्यस्तै अघिल्लो वर्ष सोही महिना अर्थात कात्तिक महिनामा ७६ अर्ब रुपैयाँ मात्र राजस्व संकलन भएको थियो ।
प्रतिक्रिया दिनुहोस्