कर्पोरेट समाचार 
काठमाडौं । काठमाडौं महानगरपालिकाका प्रमुख बालेन शाहका स्वर्गीय पिता रामनारायण शाहको पार्थिव शरीरलाई श्रद्धाञ्जलीका लागि पशुपति आर्यघाटमा केहिबेरमा राखिने भएको छ ।
‘उहाँको पार्थिव शरीरलाई अन्तिम श्रद्धाञ्जलीका लागि दिउँसो ०३ः१५ बजे पशुपति आर्यघाटमा राखिने भएकोले शुभेच्छुक सबैलाई श्रद्धाञ्जलीका लागि उपस्थित हुन अनुरोध गर्दछौँ’ मेयर बालेनको मिडिया टिमले सूचनामा जानकारी दिएको छ ।
आइतबार अचानक अस्वस्थ्य भएपछि निजामती अस्पतालमा उपचाररत स्वर्गीय शाहको उपचारका क्रममा आज दिउँसो १२ः२० निधन भएको अस्पतालका कार्यकारी निर्देशक डा मोहनचन्द्र रेग्मीले जानकारी दिए। ७७ वर्षीय शाह मधुमेहबाट पीडित थिए । उनलाई आइतबार बेहोसीमै अस्पताल पुर्याइएको थियो। रामनारायणको पिसाबमा संक्रमण भई फैलिएको बताइएको छ।
स्वर्गीय रामनारायण आयुर्वेद डाक्टर थिए।
प्रतिक्रिया दिनुहोस्