काठमाडौं। नबिल बैंकको अध्यक्षमा निर्वाण कुमार चौधरी नियुक्त भएका छन् । सोमबार बसेको बैंक सञ्चालक समितिको बैठकले बैंक सञ्चालक समितिको अध्यक्षमा सञ्चालक निर्वाण कुमार चौधरीलाई चयन गर्ने निर्णय गरेको हो।
उनले नेपाल राष्ट्र बैंकबाट सपथ ग्रहण गरेपश्चात अध्यक्षको कार्यभार सम्हाल्ने छन् ।
साथै, बैंकको सोमबार नै सम्पन्न ४१औँ वार्षिक साधारणसभाले संस्थापक सेयरधनीतर्फबाट सञ्चालक समितिमा नबिल बैंककै पूर्व सीईओ समेत रहेका अनिल केशरी शाहलाई निर्विरोध निर्वाचित गरेको छ ।
यसैगरी, निवर्तमान अध्यक्ष उपेन्द्रप्रसाद पौडेलको अध्यक्षतामा सम्पन्न सभाले गत आर्थिक वर्ष २०८१/८१ को नाफाबाट शेयरधनीहरुलाई १२.५० प्रतिशत नगद लाभांश वितरण गर्ने प्रस्ताव पारित गरेको छ। पौडेलले विशेष गरी टिम निर्माण, डिजिटल रूपान्तरणको सुदृढीकरण, दिगो बैंकिङ, नबिल स्कूल अफ सोसल इन्टरप्रेनरसिप नबिल एसएसई) का साथै मर्जर सफल बनाउनका लागि समेत महत्वपूर्ण भूमिका निर्वाह गरेको बैंकले जनाएको छ ।
हाल नबिलले देशभर २६८ शाखा सञ्जालसहित ३२१ एटिएम मेसिनबाट ५ लाखभन्दा बढी ग्राहकलाई बैंकिङ सेवा दिँदै आएको छ ।
प्रतिक्रिया दिनुहोस्