काठमाडौं। ललितपुर–१ मा राष्ट्रिय स्वतन्त्र पार्टी (रास्वपा) का उम्मेदवार बुद्धरत्न महर्जन फराकिलो मतान्तरले विजयी भएका छन् ।
नेपाली कांग्रेसका सहमहामन्त्री उदयशमशेर जबरालाई झन्डै १० हजार मतले पछि पार्दै महर्जन विजयी भएका हुन् ।
महर्जनले २३ हजार ३७३ मतसहित विजयी हुँदा जबराले १३ हजार ५२० मत ल्याए । तेस्रो भएका नेकपा एमालेका उम्मेदवार चेतनाथ सञ्जेलले ६ हजार ५४६ मत पाएका छन् ।
ललितपुर–१ परम्परागत रूपमा कांग्रेस र एमालेको पकड क्षेत्र मानिन्थ्यो। संगठनात्मक हिसाबले विशेषगरी स्थानीय तहमा यहाँ कांग्रेसको पकड बलियो देखिँदै आएको थियो । तर महर्जनको जितले गढ भत्किएको संकेत मात्र गरेको छैन् यस क्षत्रमा ठूलो संख्यामा मत रास्वपातर्फ गएको देखाएको छ।
प्रतिक्रिया दिनुहोस्