कर्पोरेट समाचार 
काठमाडौं । बिहीबार सेयर बजारमा उल्लेखनीय गिरावट देखिएको छ। नेपाल स्टक एक्सचेन्ज (नेप्से) परिसूचक ३६ अंकले घट्दै २८३० बिन्दुमा झरेको छ। बजारमा अधिकांश कम्पनीहरूको मूल्य घट्दा सीमित कम्पनीहरूले मात्रै वृद्धि देखाएका छन्।
आजको कारोबारमा ३४२ कम्पनीका करिब २ करोड कित्ता सेयर किनबेच हुँदा कुल कारोबार रकम ९ अर्ब १९ करोड रुपैयाँ पुगेको छ। कारोबार रकमका आधारमा रिलाइन्स स्पििनिङ मिल्स अग्रस्थानमा रहँदै करिब ६० करोड रुपैयाँ बराबरको सेयर किनबेच भएको छ। त्यसैगरी नेसनल हाइड्रो, एसवाई प्यानल, सोलु हाइड्रो र रिडि पावरमा पनि उल्लेख्य कारोबार भएको देखिएको छ।
यद्यपि समग्र बजार ओरालो लागे पनि केही कम्पनीहरूमा उत्साहजनक वृद्धि देखिएको छ। रिडिज लाइन इनर्जी, सूर्यकुण्ड हाइड्रो, होटल फरेस्ट इन, पाल्पा सिमेन्ट र शिखर इनर्जीको सेयर मूल्य १० प्रतिशतले बढ्दै सकारात्मक सर्किट लागेको छ।
प्रतिक्रिया दिनुहोस्