काठमाडौं । नेपाली बजारमा आज सुनको भाउ स्थिर रहँदा चाँदीको मोल सामान्य घटेको छ।
नेपाल सुनचाँदी व्यवसायी महासंघका अनुसार आज सुन प्रतितोला तीन लाख ११ हजार तीन सय रूपैयाँमा किनबेच भइरहेको छ। मंगलबार तोलामा चार सय रूपैयाँ बढेको सुनको भाउ आज स्थिर रहेको हो।
यस्तै, बुधबार चाँदीको मूल्य भने घटेको छ। अघिल्लो दिन तोलाको पाँच हजार ४०५ रूपैयाँमा कारोबार भएको चाँदी आज प्रतितोला पाँच हजार तीन सय ७० रूपैयाँमा किनबेच भइरहेको छ। यो मूल्य अघिल्लो दिनको तुलनामा ३५ रूपैयाँ कम हो ।
अन्तर्राष्ट्रिय बजारमा आज सुन प्रतिऔंस चार हजार चार सय ७९ अमेरिकी डलरमा कारोबार भइरहेको छ।
प्रतिक्रिया दिनुहोस्