काठमाडौं । नेपाली बजारमा लगातार दुई कारोबार दिन ओरालो लागेको सुनको भाउ मंगलबार भने ह्वात्तै बढेको छ।
नेपाल सुनचाँदी व्यवसायी महासंघका अनुसार आज सुन पुनः तोलामा तीन लाख रुपैयाँ नाघेको छ । सोमबार प्रतितोला दुई लाख ९८ हजार पाँच सय रूपैयाँमा खरिदबिक्री भएको सुन आज तीन लाख दुई हजार ९०० रुपैयाँ कायम भएको छ । यो मूल्य अघिल्लो दिनको तुलनामा चार हजार ४०० रुपैयाँले बढी हो ।
यसअघि आइतबार सुन एक हजारर सोमबार चार सय रूपैयाँले ओरालो लागेको थियो।
यसैगरी, चाँदीको भाउ भने लगातार तीन कारोबार दिन समेत बढेको छ । हिजो ४० रूपैयाँ मूल्य बढेर तोलामा पाँच हजार तीन सय ४० रूपैयाँ कायम भएको चादी आज पुनः ३५५ रुपैयाँले वृद्धि भएको हो । यो सँगै आज एक तोला चाँदीको मोल पाँच हजार ६९५ रुपैयाँ पुगेको छ।
प्रतिक्रिया दिनुहोस्