कर्पोरेट समाचार 
काठमाडौँ । चितवन जिल्ला अदालतले राष्ट्रिय स्वतन्त्र पार्टीका सभापति रवि लामिछानेलाई ५४ लाख रुपैयाँ धरौटीमा छाड्न आदेश दिएको छ ।
साहारा चितवन सहकारी ठगी प्रकरणको मुद्दामा थुनछेक बहसपछि न्यायाधीश दयाराम ढकालको इजलासले लामिछानेसँग ५४ लाख रुपैयाँ धरौटी माग्ने आदेश गरेको हो ।
बुधबारै साहारा चितवन सहकारीको ठगी प्रकरणमा बयान दिन उपस्थित भएका लामिछानेको थुनछेक बहस नसकिएपछि हिजो अदालतले उनलाई प्रहरीको जिम्मा लगाएको थियो ।
यसअघि, कास्की, काठमाडौँ र रुपन्देहीमा रविविरुद्ध संगठित अपराधमा समेत मुद्दा दर्ता भैसकेको छ । तर, चितवनमा भने उनलाई ठगीमा मात्रै मुद्दा दायर भएको छ ।
यसअघि उनी कास्कीमा ६५ लाख, काठमाडौँमा ६० लाख र रुपन्देहीमा एक करोड धरौटी बुझाएर छुटेका थिए ।
प्रतिक्रिया दिनुहोस्