काठमाडौं । नेपाल राष्ट्र बैंकले बैंक तथा वित्तीय संस्थाहरुबाट आज २५ अर्ब रुपैयाँ उठाउने भएको छ। त्यसको निक्षेप संकलन बोलकबोल प्रकृयाद्वारा आइतबार दिउँसो हुने केन्द्रीय बैंकले सूचनामार्फत जनाएको छ ।
२१ दिनका लागि राष्ट्र बैंकले २५ अर्ब उठाउन लागेको हो। यसको ब्याज तथा सावाँ भुक्तानी आगामी चैत १७ गते गरिनेछ भने यसमा क, ख र ग वर्गका बैंक तथा वित्तीय संस्थाहरुले सहभागिता जनाउन पाउनेछन्।
केन्द्रीय बैंकका अनुसार आज अपराह्न ३ बजेसम्म अनलाइन बिडिङ सिस्टम सफ्टवेयरमार्फत बोलकबोल हुनेछ। आजै निष्काशन हुने यस निक्षेप संकलनको ब्याजदर निर्धारण समेत बोलकबोलबाट गरिने छ ।
यसमा घटीमा १० करोड र बढीमा ५ करोड रुपैयाँले भाग गर्दा निःशेष भाग जाने गरी कुल आह्वान रकमसम्म बोल गर्न सकिनेछ। यो रकम बैंक तथा वित्तीय संस्थाले धितोका रुपमा समेत प्रयोग गर्न पाउनेछन्।
प्रतिक्रिया दिनुहोस्