काठमाडौं । सिटिजन लाइफ इन्स्योरेन्सले काठमाडौं बाल अस्पताल निर्माणमा आर्थिक सहयोग प्रदान गरेको छ ।
अस्पताल निर्माणको लागि सिटिजन लाइफ इन्स्योरेन्सका अध्यक्ष प्रदीप जंग पाण्डे र प्रमुख कार्यकारी अधिकृत पोषक राज पौडेलले काठमाडौं इन्स्टीच्युट अफ चाइल्ड हेल्थका अध्यक्ष प्रोफेसर डा.भगवान कोइरालालाई पाँच लाख रुपैयाँको चेक प्रदान गरे ।
सिटिजन लाइफले आफ्नो सामाजिक जिम्मेवारी अन्तर्गत उक्त रकम सहयोग गरेको हो । उक्त आर्थिक सहयोगले काठमाडौं बाल अस्पताल निर्माणलाई केहि मद्दत हुने अपेक्षा इन्स्योरेन्सले राखेको छ ।
नेपालका लाखौं बालबालिकाको बढ्दो स्वास्थ्य सेवा आवश्यकता, विशेष गरी निम्न आय परिवारको बालबालिकाहरुको लागी किफायती, पहुँचयोग्य र गुणस्तरीय स्वास्थ्य सेवा उपलब्ध गराउने हेतु काठमाडौं बाल अस्पताल निर्माण भैरहेको छ ।
प्रतिक्रिया दिनुहोस्