काठमाडौं । संघीय निजामती सेवा विधेयकका केही प्रस्तावित प्रावधानप्रति असहमति जनाउँदै निजामती कर्मचारी चिढिएका छन् । विधेयकमा रहेका वृत्ति विकास, सेवासुविधा र अन्य प्रावधानमा असन्तुष्टि जनाउँदै मन्त्रालयका कर्मचारीले आज धर्ना दिएका छन् ।
आइतबार सिंहदरबारस्थित संघीय मामिला तथा सामान्य प्रशासन मन्त्रालय पस्ने ढोका अगाडि कर्मचारीहरु उभिएर विरोध गरेका हुन् ।
निजामती कर्मचारी युनियनका प्रतिनिधिले विधेयकमा कर्मचारीको वृत्ति विकासको विषय स्पष्ट नरहेको भन्दै त्यसमा प्रस्ट गर्नुपर्ने माग गरेका छन् । यस्तै, कर्मचारीको सरुवा र बढुवा सम्बन्धमा समेत प्रस्तावित विधेयकले अस्पष्टता कायम गरेको उनिहरुको भनाइ छ । निजामती कर्मचारीको अन्तरप्रदेश सरुवा हुनुपर्नेलगायतका माग राख्दै कर्मचारीले धर्ना दिएका छन् ।
प्रतिक्रिया दिनुहोस्