काठमाडौं । मुग्लिन नारायणगढ सडक खण्डको तुईन पुल नजिकै गएको पहिरो पन्छाउन थप समस्या नभए आजै सडक खुलाइने सडक डिभिजन भरतपुरले जनाएको छ ।
पहिरोका कारण सवारी आवागमा ठप्प छ । सडकको माथिबाट निरन्तर ढुंगा झर्ने क्रम नरोकिएकाले पहिरो पन्छाउन समस्या भैरहेको सडक डिभिजनको भनाइ छ ।
‘आज बिहानैदेखि मुग्लिन साईडतर्फ र नारायणगढ तर्फबाट मेशिनहरू परिचालन गरि पहिरो पन्छाउने कार्य निरन्तर जारि राखेका छौं । थप पहिरो नझरे आज दिउँसोसम्म सवारी आवागमन संचालनमा ल्याउन कटिबद्ध छौं,’ सडक डिभिजन भरतपुरले जानकारी दिएको छ ।
यस्तै, सडक संचालनमा नआउन्जेलसम्मको लागि सडकमा अलपत्र परेका यात्रुलाई धैर्य गर्न डिभिजनले आग्रह गरेको छ । डिभिजनले पहिरो पन्छाउने क्रम अन्तिम चरणमा पुगेको उल्लेख गर्दै थप पहिरो नझरे आजै दिउँसोबाट सडक सञ्चालनमा आउने जनाएको छ ।
‘लगभग हामी पहिरो हटाउने अन्तिम चरणमा पुगेका छौं । पहिरोका कारण वारपार नदेखिएको स्थान अहिले पन्छाउदै जाँदा वारपार देख्न सकिन्छ । दुवैतर्फबाट २र२ वटा उपकरण मार्फत पहिरो फाल्दै आईरहेको छौं । आज दिउँसोसम्म सडक आवागमन संचालनमा ल्याउनको लागि निरन्तर प्रयासरत छौं ।’
प्रतिक्रिया दिनुहोस्