१० अर्ब रुपैयाँको आन्तरिक ऋण उठाउँदै सरकार, वित्तीय संस्थासँगै व्यक्तिहरूले समेत ऋण दिन सक्ने

काठमाडौं । सरकारले १० अर्ब रुपैयाँ बराबरको आन्तरिक ऋण उठाउन लागेको । ‘विकास ऋणपत्र २०८९’ मार्फत सरकारले आन्तरिक ऋण उठाउने छ । सार्वजनिक ऋण व्यवस्थापन कार्यालयमार्फत बोलकबोल प्रणालीद्वारा बिक्री गरिने उक्त ऋणपत्र सात वर्षपछि परिपक्व हुने जनाइएको छ।

ऋणपत्रमा बैंक तथा वित्तीय संस्था, कम्पनी, फर्म, अन्य निकाय वा व्यक्तिहरूले समेत आज (असोज २२ गते ) बुधबार दिउँसो ३ बजेसम्म अनलाइन प्रणालीमार्फत बोलकबोल पेश गर्न सक्नेछन् । ऋणपत्रको साँवा भुक्तानी सरकारले २०८९ असोज २३ गते गर्ने जनाएको छ।

यसैगरी ब्याज अर्धवार्षिक आधारमा भुक्तानी हुने सार्वजनिक ऋण व्यवस्थापन कार्यालयले जनाएको छ । प्राप्त हुने ब्याजमा आयकर लाग्ने यो ऋणपत्रलाई बैंक तथा वित्तीय संस्थामा धितो राखी कर्जा लिन वा दिन समेत सक्नेछन्।

 

प्रतिक्रिया दिनुहोस्