गभर्नरको चर्चामा रहेका विश्व पौडेल विरुद्ध सर्वोच्चमा रिट दायर

 काठमाडाैं । गभर्नर बन्ने चर्चामा आएका पात्रहरुको एकपछि अर्को रिट दायर हुने क्रम रोकिएको छैन । गत शुत्रबारबाट गभर्नर बन्ने चर्चामा आएका विश्वनाथ पौडेल विरुद्ध पनि सर्वोच्च अदालतमा रिट दायर भएको छ ।

गभर्नर सिफारिस समितिबाट राजीनामा दिएर गभर्नरको आकांक्षी बनेका पौडेलविरुद्ध मंगलबार अदालतमा रिट परेको हो । पौडेलविरुद्ध अधिवक्ताद्वय प्रतिभा उप्रेती र विशाल थापाले रिट दायर गरेका छन् । पौडेललाई गभर्नर नियुक्ति गरे नेपाल राष्ट्र बैंक ऐन, २०५८ को प्रतिकूल हुने उनीहरूको दाबी रहेको छ ।

उप्रेती र थापाले यसअघि पनि राष्ट्र बैंकका कार्यकारी निर्देशक डा। गुणाकर भट्ट गभर्नरका लागि चर्चामा आएकै कारण उनको योग्यतामा प्रश्न उठाउँदै अदालतमा रिट दायर गरेका थिए ।

प्रतिक्रिया दिनुहोस्