काठमाडौं । सुनको भाउ फेरि साढे २ लाख रुपैयाँ नाघेको छ । अघिल्लो कारोबार दिनको तुलनामा बिहीबार एकैदिन सुन प्रतितोला ५ हजार ९ सय रुपैयाँले बढेको छ।
नेपाल सुनचाँदी व्यवसायी महासंघले आजका लागि सुनको भाउ प्रतितोला २ लाख ५० हजार २ सय रुपैयाँ तोकेको हो ।
अघिल्लो दिन सोही परिमाणको सुन २ लाख ४४ हजार ३ सय रुपैयाँमा किनबेच भएको थियो ।
यस्तै आज चाँदीको कारोबार तीन हजार ३४५ रुपैयाँमा भइरहेको छ । बुधबार एक तोला चाँदी तीन हजार १७५ रुपैयाँमा खरिदबिक्री भएको थियो ।
अन्तर्राष्ट्रिय बजारमा आज सुनको भाउ प्रतिऔंस ४२०० डलर नाघेको छ ।
प्रतिक्रिया दिनुहोस्