काठमाडौं । नेपाल लाइफ इन्स्योरेन्स कम्पनी लिमिटेडले पुर्ननिर्माण कोषमा १ करोड ५० लाख रुपैयाँ आर्थिक सहयोग गरेको छ ।
जेनजी आन्दोलनपछि बनेको सरकारले पुर्ननिर्माणका लागि स्थापना गरेको भौतिक पूर्वाधार पुर्ननिर्माण कोषमा सोमबार नेपाल लाइफले डेड करोड रुपैयाँ योगदान गरेको हो ।
अर्थ मन्त्रालयमा कम्पनीका संचालक समितिका अध्यक्ष गोविन्द लाल संघई, संचालक कमलेश कुमार अग्रवाल र कम्पनीका प्रमुख कार्यकारी अधिकृत प्रवीण रमण पराजुलीले संयुक्त रूपमा १ करोड ५० लाख रुपैयाँ बराबरको चेक अर्थमन्त्री रामेश्वर प्रसाद खनाललाई हस्तान्तरण गरे ।
नेपाल लाइफले संस्थागत सामाजिक उत्तरदायित्व अन्तर्गत क्षतिको पुर्ननिर्माण, आर्थिक पुनरुत्थान तथा राहत लगायत कार्यको लागि कोषमा उक्त रकम योगदान गरेको जनाएको छ । कम्पनीको उक्त सहयोगप्रति अर्थमन्त्री प्रसाद खनालले उपस्थित अधिकारीहरुलाई धन्यवाद दिएको अर्थ मन्त्रालयको सहसचिव एवम् प्रवक्ता टंक प्रसाद पाण्डेय जानकारी दिए ।
नेपाल लाइफले प्रदान गरेको रकमसँगै कोषमा सोमबारसम्म ११ करोड ८२ लाख रुपैयाँ जम्मा भएको छ ।
प्रतिक्रिया दिनुहोस्