काठमाडौं । पछिल्लो पाँच महिनामा १९ अर्ब रुपैयाँ भन्दा धेरै मूल्यको स्मार्ट फोन नेपाल भित्रिएको छ।
भन्सार विभागले सोमबार सार्वजनिक गरेको तथ्यांक अनुसार चालु आर्थिक वर्षको मंसिर महिनासम्म नेपालमा कुल १९ अर्ब १३ करोड ६९ लाख रुपैयाँको १० लाख ७० हजार थानभन्दा बढी स्मार्टफोन आयात भएका छन् ।
गत वर्षको तुलनामा यस वर्ष नेपालमा स्मार्टफोन आयात झन् बढेको पाइएको छ । गत आवको समीक्षा अवधिमा नेपालमा १५ अर्ब १८ करोड रुपैयाँ बराबरको स्मार्टफोन आयात भएको थियो ।
पछिल्लो समय विशेष गरी ठूलो स्क्रिन भएका, लामो समयसम्म नतात्ने र ब्याट्री क्षमतामा सुधार भएको स्मार्टफोनप्रति ग्राहकहरुको आकर्षण बढ्दै गएको छ । यस्तै, अनलाइन गेम, भिडियो स्ट्रिमिङ र मोबाइल बैंकिङ प्रयोगकर्ताको संख्या बढेसँगै नेपालमा उच्च क्षमताका फोनको माग झन् तीव्र बन्दै गएको विभागको तथ्यांकले देखाएको छ।
प्रतिक्रिया दिनुहोस्