७ महिनामा पशुपन्छी क्षेत्रको निर्यात १५ अर्ब नाघ्यो, गलैँचाको हिस्सा ६.४ अर्ब

काठमाडौं । नेपालबाट पशुपन्छी क्षेत्रका उत्पादनहरूको निर्यातमा उल्लेख्य सुधार देखिएको छ । भन्सार विभागको तथ्यांक अनुसार चालू आर्थिक वर्ष २०८२÷८३ को माघ मसान्तसम्ममा यस क्षेत्रको कुल निर्यात १५ अर्ब रुपैयाँ नाघेको छ ।

विज्ञापन

विभागको तथ्यांक अनुसार यस अवधिमा सबैभन्दा बढी ऊनको गलैँचा (कार्पेट) निर्यात भएको छ, जसको कुल मूल्य ६.४ अर्ब रुपैयाँ रहेको छ। यस्तै अन्य प्रमुख निर्यातित वस्तुहरूमा ऊन रहेको छ । यस अवधिमा ३।४ अर्ब रुपैयाँको ऊन निर्यात भएको छ ।

उपलब्ध तथ्यांक अनुसार दाना पदार्थको निर्यात २ अर्ब ५० करोड रुपैयाँ पुगेको छ। त्यसैगरी छुर्पीको निर्यात २ अर्ब ३० करोड रुपैयाँ रहेको छ, जसले अन्तर्राष्ट्रिय बजारमा नेपाली दुग्धजन्य परिकारको माग बढ्दो रहेको संकेत गर्दछ ।

छालाको निर्यात २५ करोड रुपैयाँ बराबर भएको छ भने अन्य दुग्ध जन्य उत्पादनहरूको निर्यात ६ करोड ४० लाख रुपैयाँ पुगेको छ। यो तथ्यांकले कृषि तथा पशुपालनमा आधारित वस्तुहरूले नेपालको निर्यात व्यापारमा महत्वपूर्ण योगदान पु¥याइरहेको देखाउँछ।