सन् ०२६ मा चीनको जीडीपी ८७० अर्ब अमेरिकी डलरभन्दा माथि पुग्ने

एजेन्सी । चीनको कुल गार्हस्थ्य उत्पादन (जीडीपीं सन् २०२६ मा ६ ट्रिलियन युआन (लगभग ८७० अर्ब अमेरिकी डलर) भन्दा माथि बढ्ने अपेक्षा गरिएको छ ।

चीनका शीर्ष आर्थिक योजनाकार प्रमुखले बताए अनुसार यो आर्थिक विस्तारले रोजगारी, जनताको कल्याण र जोखिम रोकथामका लागि ठोस सहयोग पुर्याउने छ । राष्ट्रिय विकास तथा सुधार आयोगका प्रमुख झेङ शान्जीले १४ औं राष्ट्रिय जन कांग्रेसको चौथो सत्रका अवसरमा आयोजित पत्रकार सम्मेलनमा उक्त जानकारी दिएका हुन् ।
‘यस वर्ष, यदि सामान्य परिस्थितिमा सबै कुरा सहज रूपमा चल्यो भने, जीडीपी वृद्धि ६ ट्रिलियन युआन भन्दा बढी हुने अपेक्षा गरिएको छ। यसले रोजगारी स्थिर गर्न, मानिसहरूको जीविकोपार्जनमा सुधार गर्न र जोखिमहरू रोक्न बलियो सहयोग प्रदान गर्नेछ,’ झेङले भनेका छन्।

१५ औं पञ्चवर्षीय योजना अवधि (२०२६–२०३०) मा चीनको सेवा क्षेत्रको आकार १०० ट्रिलियन युआन (लगभग १४.५ ट्रिलियन अमेरिकी डलर) भन्दा बढी विस्तार हुने अपेक्षा गरिएको उनले बताए । चीनको कृत्रिम बुद्धिमत्ता (एआई) सम्बन्धित उद्योगहरूको मूल्य २०३० सम्ममा १० ट्रिलियन युआन (१.४५ ट्रिलियन अमेरिकी डलर) भन्दा बढी हुने अनुमान गरेको छ ।

प्रतिक्रिया दिनुहोस्