सुनको भाउ पुनः तीन लाख रुपैयाँ नाध्दा, चाँदी पनि महँगियो

काठमाडौं। स्थानीय बजारमा आइतबार सुन र चाँदी दुवै धातुको मूल्यमा वृद्धि भएको छ। नेपाल सुनचाँदी व्यवसायी महासंघका अनुसार आज सुनको मूल्य तोलामा ८०० रुपैयाँले बढेर पुनः तीन लाख रुपैयाँ नाघेको हो।

उपभोक्ताले आज एक तोला सुन खरिद गर्न तीन लाख पाँच सय रुपैयाँ खर्च गर्नुपर्ने छ । यसअघि शुक्रबारको तुलनामा आइतबार एकैदिन २७ सय रुपैयाँले बढेर सुन प्रतितोला दुई लाख ९९ हजार २०० रुपैयाँमा कारोबार भएको थियो । शुक्रबार (वैशाख ११) गते भने सुन तोलाको दुई लाख ९६ हजार ५०० रुपैयाँमा खरिदबिक्री भएको थियो।

यस्तै, आज चाँदीको मूल्य पनि तोलामा ५० रुपैयाँले वृद्धि भएको छ। आइतबार एक तोला चाँदीको मोल चार हजार ९९५ रुपैयाँमा कायम थियो । सोमबार भने चाँदीको मोल प्रतितोला पाँच हजार ५० रुपैयाँ निर्धारण गरेको महासँघले जनाएको छ ।

अघिल्लो कारोबार दिन (शुक्रबार) चाँदी तोलामा चार हजार ९४५ रुपैयाँमा किनबेच भएको थियो।

 

 

प्रतिक्रिया दिनुहोस्