काठमाडौं । नेपाली बजारमा आज सुन–चाँदीको भाउ बढेको छ। नेपाल सुनचाँदी व्यवसायी महासंघका अनुसार आज सुन प्रतितोला दुई लाख ९५ हजार तीन सय रूपैयाँमा किनबेच भइरहेको छ।
अघिल्लो कारोबार दिन सोमबार सुन प्रतितोला दुई लाख ९४ हजार आठ सय रूपैयाँमा कारोबार भएको थियो। हिजोको तुलनामा आज सुन प्रतितोला पाँच सय रुपैयाँले महँगिएको हो ।
यस्तै, आज चाँदीको मूल्य पनि केही बढेको छ। सोमबार प्रतितोला पाँच हजार ४० रूपैयाँमा कारोबार भएको चाँदी आज तोलाको पाँच हजार ८५ रूपैयाँ निर्धारण गरिएको महासंघले जनाएको छ। यो मूल्य अघिल्लो दिनको तुलनामा प्रतितोला ४५ रूपैयाँ बढी हो।
अन्तर्राष्ट्रिय बजारमा आज सुन प्रतिऔंस चार हजार पाँच सय ४४ अमेरिकी डलरमा कारोबार भइरहेको छ।
प्रतिक्रिया दिनुहोस्