वीरगन्ज । वीरगन्ज भन्सार नाका हुँदै चालु आर्थिक वर्षको १० महिनामा सात खर्ब ९४ अर्ब ८७ करोड रूपैयाँ मूल्य पर्ने वस्तु तथा समान आयात भएको छ ।
गत आवको १० महिनाको तुलनामा चालु अवधिको सोही अवधिमा यो नाका हुँदै एक खर्ब दुई अर्ब ४४ करोड रूपैयाँ अर्थात् १५ प्रतिशत बढी सामान भित्रिएको हो ।
वीरगन्ज भन्सार कार्यालयका सूचना अधिकारी उदयसिंह विष्टले वीरगन्ज हुँदै हुने आयातमा बढोत्तरी भएको बताए । उनले चालु आवको पेट्राेलियम पदार्थ र फलाम तथा फलामजन्य वस्तुको आयातमा वृद्धि भएको बताए। जबकि गत आवको १० महिनामा भने ६ खर्ब ९२ अर्ब ४३ करोड रूपैयाँ मूल्यका वस्तु तथा सामान आयात भएको थियो ।
चालु आवको १० महिनामा एक खर्ब ८१ अर्ब ७० करोड रूपैयाँ मूल्य पर्ने पाँच थरिका पेट्राेलियम पदार्थको आयात भएको छ । त्यसैगरी, सोही अवधिमा ६९ अर्ब ४२ करोड रूपैयाँ मूल्य पर्ने फलाम तथा फलामबाट बनेका सामान आयात भएको छ ।
५७ अर्ब ६६ करोड रूपैयाँ मूल्य पर्ने मेसिनरी तथा पार्टपुर्जा आयात भएको छ । त्यसैगरी ५५ अर्ब सात करोड रूपैयाँ मूल्य पर्ने भटमासको कच्चातेल आयात भएको छ
प्रतिक्रिया दिनुहोस्