काठमाडौं । मेयर बालेन्द्र शाहले उपप्रधान तथा सहरी विकासमन्त्री प्रकाशमान सिंहप्रति असन्तुष्टि व्यक्त गरेका छन्। आज फेसबुकमा स्टाटस लेख्दै उनले काठमाडौंको अव्यवस्थित बस्ती हटाउने, कपन खोलालाई व्यवस्थित गर्ने, बाल मन्दिर बचाउने, र सार्वजनिक सम्पत्ति जोगाउने प्रयासहरू सधैं केवल कुरामै सीमित रहेको आरोप लगाए।
शाहले प्रकाशमान सिंहलाई सुझाव दिँदै भने, ‘मलाई हराउने नाममा आफ्नो शहर, क्षेत्र र देश चाहिँ नहराउनुहोला, यत्रो गणेशमान सिंह, पीएल सिंह र नेपाली कांग्रेसको इतिहास माटोमा नमिसाउनु होला।’
उनको यो भनाइ काठमाडौं महानगरको विकासका विषयमा सरकारको भूमिकाप्रति असन्तुष्टि प्रकट गर्न आएको देखिन्छ।
प्रतिक्रिया दिनुहोस्