तीब्र उतारचढाब देखिएको शेयर बजारमा एकल अंकको सुधार

 काठमाडाैं । साताको बुधबार दिने नेप्से  परिसूचकमा तीब्र उत्तार चढाब आएको छ । सुरुवातमा घटबढ भइरहेको बजारमा बन्दहुँदासम्म दोहोरो अंकले बढेको हो । यो दिन नेप्से परिसूचक ९. ६६ अंकले बढेर २ हजार ६९६.२८ विन्दुमा आइपुगेको हो । लगानीकर्ताहरुमा केही दिनदेखि पर्ख र हेरको अबस्थामा छन् । अब वित्तीय क्षेत्र मध्ये मानिएको राष्ट्र बैंकको गभर्नरमा को आउला भन्ने आम लगानीकर्ताको चासो छ, गभर्नरमा आउने पात्रले पनि बजारलाई केही फरक पार्ने अपेक्षा लगानीकर्ताहरुमा देखिन्छ।

बढेको बजारमा यो दिन ४ अर्ब ४८ करोड रुपैयाँको कारोबार भएको छ। सर्वाधिक कारोबार हुने कम्पनीमा एनआरएन इन्फाष्ट्रचर ४२ करोड ७५ लाख रुपैयाँको कारोबार भएको छ । त्यस्तै, सिइडीबी होल्डिङको ३० करोड २२ लाख रुपैयाँको कारोबार भएको छ । त्यस्तै आजबाट पहिलो कारोबारमा आएको नेपाल माइक्रो इस्न्योरेन्सको शेयर मूल्यमा करिब १० प्रतिशतले सर्किट लागेको छ । बोटलर नेपाल, सोल्टी होटल र न्यादी ग्रुप पावर कम्पनीको शेयर मूल्य ४.१७ प्रतिशत माथिले बढेको छ।

यो दिन सिन्धु विकास बैंक र अपर हेवा खोला हाइड्रो पावर कम्पनीको शेयर मूल्य २.६० प्रतिशतदेखि ८.०५ प्रतिशतसम्मले घटेको छ । यो दिन कारोबारमा आएका १३ वटै उप समूहको सूचक बढेका छन् ।

प्रतिक्रिया दिनुहोस्