काठमाडौं। स्थानीय बजारमा बुधबार सुनचाँदीको मूल्यमा सामान्य गिरावट आएको छ। नेपाल सुनचाँदी व्यवसाय महासङ्घका अनुसार सुनको मूल्य प्रतितोला १ हजार २०० रुपैयाँ र चाँदीको मूल्य प्रतितोला १० रुपैयाँले घटेको हो।
महासङ्घले सार्वजनिक गरेको नयाँ मूल्यसूची अनुसार छापावाल सुन प्रतितोला २ लाख ९७ हजार ३०० रुपैयाँमा कारोबार भइरहेको छ। त्यस्तै चाँदीको मूल्य प्रतितोला ४ हजार ९८० रुपैयाँ कायम भएको छ।
यसअघि मङ्गलबार सुन प्रतितोला २ लाख ९८ हजार ५०० रुपैयाँ र चाँदी प्रतितोला ४ हजार ९९० रुपैयाँमा कारोबार भएको थियो।
अन्तरराष्ट्रिय बजारमा पनि बहुमूल्य धातुको मूल्यमा उतारचढाव देखिएको छ। अन्तरराष्ट्रिय सञ्चारमाध्यमका अनुसार बुधबार सुन प्रतिऔँस ४ हजार ३४९ अमेरिकी डलरमा कारोबार भइरहेको छ। त्यस्तै चाँदी प्रतिऔँस ७० अमेरिकी डलरमा कारोबार भइरहेको जनाइएको छ।
प्रतिक्रिया दिनुहोस्