काठमाडौं । नेपाली बजारमा आज पनि सुनको भाउ वृद्धि भएको छ। सोमबार तोलामा पाँच हजार रूपैयाँ बढेको सुनको भाउ मंगलबार तोलाको तीन सय रूपैयाँ बढेको हो।
नेपाल सुनचाँदी व्यवसायी महासंघका अनुसार आज सुन प्रतितोला दुई लाख ९८ हजार पाँच सय रूपैयाँ निर्धारण भएको छ। अघिल्लो कारोबार दिन सुन प्रतितोला दुई लाख ९८ हजार दुई सय रूपैयाँमा कारोबार भएको थियो।
यस्तै, सोमबार पाँच हजार १५ रूपैयाँ कायम भएको चाँदीको मोल आज तोलामा चार हजार नौ सय ९० रूपैयाँमा किनबेच भइरहेको छ। यो मूल्य अघिल्लो दिनको तुलनामा प्रतितोला २५ रूपैयाँ कम हो।
अन्तर्राष्ट्रिय बजारमा आज सुन प्रतिऔंस चार हजार तीन सय २७ अमेरिकी डलरमा कारोबार भइरहेको छ।
प्रतिक्रिया दिनुहोस्